• कोड (पांढरे डाग)
• नायटा, गजकर्ण
• नागीण
• अलर्जी
• पिंपल्स
• चामखीळ
• हाताच्या व पायाच्या भेगा

त्वचारोग नायटा

नायटे निरनिराळया प्रकारचे असतात. नेहमी दिसणारा प्रकार म्हणजे अंगावर,जांघेत कमरेवर दगडफुलासारखा दिसणारा व पसरणारा नायटा. यांत त्वचा काळवंडते आणि खूप खाज सुटते. हा आजार बुरशीमुळे होतो. याची मुख्य कारणे म्हणजे अस्वच्छता, दमटपणा, पाण्याची टंचाई,एकमेकांचे कपडे वापरणे, इत्यादी.

अनेक घरांमध्ये आंघोळीसाठी आडोसा पुरेसा नसतो. यामुळे कंबरेच्या कपडयाखाली नीट स्वच्छता राहत नाही. या ठिकाणी खरूज, नायटा, गजकर्ण वाढतात

लक्षणे

लक्षणे हे दोन्हीही आजार कंबर, पोट, मांडया,जांघा, इत्यादी भागांत जास्त करून होतात. यामुळे खूप खाज सुटते. गजकर्ण व नायटयाची वाढ वेगाने होते, पण कातडीवर बधिरता मात्र नसते. यावरून कुष्ठरोगापासून हे आजार वेगळे ओळखता येतात. (कुष्ठरोगात चट्टयांना खाज सुटत नाही व कमी अधिक बधिरता येते.)

उपचार

स्वच्छता ही प्रथम महत्त्वाची आहे. – (रोज आंघोळ करणे, नखे कापणे.)

गजकर्ण

गजकर्ण, नायटयाचा भाग गरम पाणी व साबणाने स्वच्छ धुऊन घ्यावे सुरुवातीला आग होते, पणहोमिओपॅथीक औषध ने दोन-तीन आठवडयांत आराम पडतो व चट्टा जातो. नंतर काही आठवडे तरी औषध घ्यावे लागेल . नाही तर नायटा परत उमटतो. पण तुम्ही होमिओपॅथी औषध चा डोस पूर्ण केल्यावर परत फंगल इन्फेकशन होत नाही माझ्या बऱ्याच पेशंट चा अनुभव आहे

उपचार

गजकर्णासाठी उपाय करताना त्वचा कोरडी राहील अशी काळजी घेणे आवश्यक आहे.

• जागेची स्वच्छता ठेवणे
• 2 वेळा अंघोळ करणे

पांढरे डाग, कोड याची कारणे, लक्षणे

काही व्यक्तींमध्ये कुठल्यातरी अज्ञान कारणामुळे त्वचेच्या या पेशींना मारणाऱ्या अॅंटीबाॅडी तयार होतात व त्या मेलॅनीनच्या पेशींना निष्क्रिय किंवा नष्ट करतात. ज्या जागेवर ही प्रक्रिया होते त्या जागेवर पांढरा चट्टा उमटतो. ज्याला आपण कोड म्हणतो. 15 ते 20 टक्के व्यक्तींमध्ये कोड असतो

• पांढरे डाग याला ल्युकोडेर्मा किंवा कोड म्हणून ओळखले जातं.
• हा एक विकार आहे ज्यामुळं शरीराच्या वेगवेगळ्या भागांतल्या त्वचेवर पांढरे डाग दिसतात.
• त्वचेतील रंगद्रव्य पेशी काहीवेळा नष्ट होतात, या पेशींना मेलॅनोसाइट म्हणतात, त्यांच्या कमतरतेमुळे हे पांढरे डाग निर्माण होतात.
• पांढरे डाग नाकाच्या आणि तोंडाच्या आतल्या भागांवर तसंच डोळ्यांवर सुद्धा परिणाम करतात.
• पांढऱ्या डागांची चिन्हं किंवा लक्षणं म्हणजे त्वचेचा रंग मंदावणे किंवा पांढरा होणे, शरीराच्या कोणत्याही भागाच्या त्वचेवर डाग येणे ही आहेत
• हे पांढरे डाग काही वेळा शरीराच्या एका भागावर दिसतात तर काही वेळा शरीराच्या वेगवेगळ्या भागात किंवा काही वेळा संपूर्ण शरीरभर पसरतात.
• शरीरावर पांढरे डाग येण्याचं नेमकं कारण काय असावं ते अजुनही स्पष्ट कळलेलं नाही.
• काही तज्ञांच्या मते रोगप्रतिकारशक्तीची ती एक हानीकारक स्थिती आहे.
• जेंव्हा शरीराची रोगप्रतिकारक शक्तीच चुकून त्वचेच्या निरोगी पेशी नष्ट करते, तेंव्हा शरीरावर पांढरे डाग पडतात.
• पांढरे डाग अनुवांशिक असतात. जे कुटुंबातील एका व्यक्तीकडून पुढच्या पिढीतल्या व्यक्तीकडे जाऊ शकतात.
• थायरॉईड किंवा आणखी काही विकारात सुद्धा ही पांढरे डाग त्वचेवर दिसतात.
• पांढरा डाग एकाच ठिकाणी राहील की शरीरभर पसरतील हे नक्की सांगता येत नाही.

पांढ-या डागांमुळं कोणत्याही वेदना होत नाहीत, आरोग्यासाठी कुठलाही धोका निर्माण होत नाही, मात्र याचे मानसिक परिणाम खोलवर होऊ शकतात.

योग्य पद्धतीने वैद्यकीय उपचार घेऊन या पांढऱ्या डागांची दाहकता कमी करता येऊ शकते, या डागांवर संपुर्ण खात्रीशीर होमिओपॅथीक उपचार आहेत

पांढऱ्या डागांचे प्रकार

कोडाचे प्रकार डागाच्या रंगावर (विरळ किंवा गडद) आणि त्याच्या आकारावर अवलंबून असतात.

• काही पांढरे डाग किंवा कोड शरीराच्या एका ठराविक भागात दिसतात - या प्रकारच्या त्वचारोगाला सेगमेंटल विटिलिगो एकाच भागात दिसणारं कोड म्हणतात. हा सहसा तरुण वयात होतो, एक किंवा दोन वर्षांपर्यंत पसरतो आणि नंतर थांबतो.
• शरीराच्या एकाच भागात किंवा ठराविक भागातील कोड - शरीराच्या एकाच भागात किंवा ठराविक भागातील कोड.

शरीराच्या अनेक भागांमध्ये पसरणारा कोड - पांढ-या डागांच्या सर्वसामान्य प्रकाराला सामान्य कोड, जनरलाइज्ड कोड म्हणतात, ज्यामध्ये शरीराच्या कोणत्याही भागावर पांढरे डाग दिसतात आणि ते शरीरभर पसरतात.

कोडाची लक्षणं

शरीरावरच्या त्वचेचा रंग काही ठिकाणी फिका होतो, किंवा त्वचा पांढरी दिसते. थेट सुर्यप्रकाश त्वचेच्या ज्या भागावर पडतो त्या त्वचेचं जास्त नुकसान होतं. हात, पाय, दंड ,चेहरा ओठ या भागांत कोड पटकन पसरतो

लक्षणं

• त्वचेचा रंग फिका पडणे,पांढरा होणे.
• लहान वयातच डोक्यावरचे, दाढीचे, भुवईचे किंवा पापण्याचे केस पांढरे होणे.
• नाक आणि तोंडाच्या आतील त्वचेवर अस्तर असलेल्या ऊतीं हलक्या होत जाणं किंवा पांढ-या होणं.
• डोळ्याच्या आतील थराचा म्हणजे डोळयातील पडद्याचा रंग विरळ होणं.

कोड एकदा शरीरावर दिसायला लागले की ते किती मर्यादेपर्यंत वाढतील ते सांगता येत नाही.काही वेळा कोणत्याही उपचारांविना ते पसरायचे थांबतात. मात्र हे अगदी क्वचित प्रमाणात घडतं. ब-याच वेळेला हे कोड किंवा पांढरे डाग वाढत जाऊन संपूर्ण शरीरावर पसरतात.एकदा हे कोड शरीरभर पसरले की त्वचेचा नैसर्गिक रंग पुन्हा दिसणं जवळपास अशक्य असतं.

पांढरे डाग किंवा कोड का होतात?

केस, त्वचा, ओठ यांना रंग देण्यासाठी रंग, म्हणजे मेलॅनीन निर्माण करणाऱ्या पेशी ज्यांना मेलॅनोसाइट म्हणतात, त्या काम करायचं थांबवतात. मेलॅनीन तयार करत नाहीत. किंवा त्या स्वतः नष्ट होतात, तेव्हा त्वचेवर पांढरे डाग तयार होतात.

या आजारात डाग पडलेल्या त्वचेचा रंग फिकट होतो, पांढरा होतो. मात्र या पेशी काम करायचं का थांबवतात हे तज्ञांना अजूनही कळू शकलं नाही.

यासाठी काही ठोकताळे बांधले आहेत की कोड कशामुळं होतो.

• कोड हा एक असा विकार आहे ज्यात शरीराची रोगप्रतिकारक शक्ती स्वतःच्या रंगद्रव्य-उत्पादक पेशींना म्हणजे मेलॅनोसाइटना नष्ट करते.
• कुटुंबात एखाद्या व्यक्तीला कोड असेल तर आनुवंशिकतेमुळं हा रोग होतो.

पांढरे डाग हे कोडच आहेत याचं निदान कसं केलं जातं?

शरीरावरचे पांढरे डाग पाहून डॉक्टर शारीरिक चाचण्या करतात.

आधी सुरु असणाऱ्या औषधांबद्दलची माहिती घेताना काही प्रश्नांच्या आधारे समस्येच्या मुळाशी जाण्याचा प्रयत्न करतात.

• कुटुंबातील इतर कोणत्याही सदस्याला कोड आहे का?
• तुम्हाला कोणत्याही प्रकारचा ताण किंवा शारीरिक आजार आहे का?
• कुटुंबातील कोणत्याही सदस्याला रोगप्रतिकारक शक्तीचा कोणता आजार आहे का?
• सूर्य किरणांच्या संपर्कात आल्यानंतर तुम्हाला संवेदनशील वाटते का?
• पांढरे डाग दिसण्यापूर्वी तुम्हाला पुरळ, सनबर्न किंवा त्वचेच्या इतर काही समस्या जाणवल्या का?
• वयाच्या ३५ व्या वर्षापूर्वी तुमच्या केसांचा रंग पांढरा झाला का?

याशिवाय डॉक्टर काही शारीरिक तपासणी सुचवू शकतात, जसं की

• रक्त तपासणी
• तपासणीसाठी प्रभावित त्वचेचा एक छोटा तुकडा घेणे (बायोप्सी)
• डोळयांची तपासणी

पांढरे डाग किंवा कोडावर उपचार

कोडावरील उपचारांमुळे त्वचा सामान्य दिसण्यास मदत होते, पण हे उपचार काही गोष्टींवर अवलंबून असतात

• शरीरावर पसरलेल्या पांढ-या डागांची संख्या.
• पांढरे डाग किती पसरले आहेत किंवा त्यांचा आकार किती मोठा आहे.
• बाधित व्यक्तीनुसार उपचार.

अनेक उपचार असे आहेत जे सरसकट प्रत्येकासाठी वापरता येत नाहीत, कारण त्यांचे बरेच दुष्परिणाम असतात. कधीकधी उपचारासाठी बराच वेळ लागतो.

त्वचारोगाच्या सध्याच्या उपचारांमध्ये कोडासाठी वैद्यकीय उपचार, शस्त्रक्रिया आणि बाकी काही पर्याय उपलब्ध आहेत.

बहुतेक उपचार हे त्वचेचा रंग परत आणण्याच्या दृष्टीने करतात पांढरे डाग किंवा कोड यासाठी अनेक औषधं उपलब्ध आहेत.

पण डॉक्टरांच्या सल्ल्यानुसारच उपचार करून घ्या.

पांढरे डाग किंवा कोड हा संसर्गजन्य रोग नाही, त्यामुळं ज्यांना हा रोग झाला आहे त्यांनी हिंमत हरु नये, ज्यांना हा रोग झाला नाही त्यांनी मात्र पांढऱ्या डागानं हैराण असलेल्या व्यक्तीला आदरानं वागवावं.